• 2003/05/12 - Кыргыз мамлекеттүүлүгүнүн 2200 жылдыгына карата «Мээрим» эл аралык кайрымдуулук фонду жана көркөм-сүрөт мектеп-интернаты менен бирдикте таланттуу окуучулардын сүрөт жана айкел көргөзмөсү уюштурулду.
• 2003/10/01 - Кыргыз мамлекеттүүлүгүнүн 2200 жылдыгына жана Бишкек шаарынын 125 жылдыгына карата «Кыргыз мамлекетинин кыскача тарыхы жана тарыхчы-илимпоздор» аттуу илимий-библиографиялык китептин жарыкка чыгышына демөөрчүлүк көрсөтүлдү.
• 2004/01/01 - Тубаса жүрөк оорудан жабыр тарткан 5 жашар Бермет аттуу кыздын операциясы үчүн 11000 сом өлчөмүндөгү акча каражаты жардам катары берилди.
• 2004/02/22-29 - Фонддун мүдүрү Улан Усупов БУУнун чакыруусу менен Таиланддын борбору Банкгок шаарында өткөн «Дүйнө жаштарынын тынчтык саммитине» барып катышып келди.
• 2004/04-05 - Фонддун стипендианттары жана каалоочулар үчүн «Инсандык жеке сапаттарды өнүктүрүү» аттуу темада семинар уюштурулду.

Ар бир нерсенин өз үнү, өз жүзү жана өз эн тамгасы болгон сыңары “ЫЙЫК АТА ЖУРТ” коомдук жаштар фондунун да жүзүн чагылдырган өз эн тамгасы, эмблемасы бар.

Аталган фонддун эмблемасын караган адам оболу айкөлдүктүн белгисин билдирген көк түстүү тегерек айлананын сүрөтүн көрө алат. Тегерек айлана бул - жер шары, бүтүндөй аалам. Ал эми ошол айлананын ичинен түндүк, көөкөр жана күйгөн шам орун алган.