Ар бир нерсенин өз үнү, өз жүзү жана өз эн тамгасы болгон сыңары “ЫЙЫК АТА ЖУРТ” коомдук жаштар фондунун да жүзүн чагылдырган өз эн тамгасы, эмблемасы бар.

Аталган фонддун эмблемасын караган адам оболу айкөлдүктүн белгисин билдирген көк түстүү тегерек айлананын сүрөтүн көрө алат. Тегерек айлана бул - жер шары, бүтүндөй аалам. Ал эми ошол айлананын ичинен түндүк, көөкөр жана күйгөн шам орун алган.

Түндүк -  ата журттун, күйгөн шам - үй-бүлө жана жалындуу жаштыктын, көөкөр - кыргыз элинин улуттук жүзү менен меймандостугунун белгиси.

Андан сырткары эмблеманын чордонунда турган шам-чырак бул – коломто. Ал эми коломто үй-бүлөнүн символу гана эмес, ата журттун башаты, ыйык мекендин жүрөгү.